كوماج للوجه وجميع الجسم غير مكلف وفي متناول كل سيدة

* لاش كيليق هاد الكوماج :

هاد الكوماج يليق للبنات اللي كيشكيوا من :

ـ الحبوب في الجسم

ـ القشور في الجسم و فالوجه

ـ البقع البنية فالجسم

ـ تباين الألوان في البشرة

ـ جفاف البشرة من مورا الحمام

ـ و أخيرا ممكن لأي بنت بغات تحافظ على جمال بشرتها و تخليها مصقولة تبقى تديره



* طريقة الاستعمال :

فاش تكونوا كتاخدوا دوش أو فالحمام و من الأحسن الحمام لأن المسام كيكونوا مفتوحين , مللي تحكوا الجسم كامل و تغسلوا الشعر ..الخ , غادي تاخدوا فوطة و تنشفوا بيها جسمكم مزياان , و تطليوا الكوماج لكامل الجسم و الوجه و جميع المناطق بدووون استثناء , و تبداو تفركوا بالزربة و تخليوه ينشف فوق منكم واحد الشوية , يعني يبقى فالجسم لمدة لا تقل عن 15 دقيقى كحد أدنى , و ممكن فهاد الوقت أنكم تحكوا رجليكم و هادشي اللي كندير أنا و باش نزيد نستغل الوقت يا اما كندير الديميلور فداك الوقت أو كنطلي شي يوغورت لراسي و نكون ضربت عصفورين بحجر , من بعد انقضاء المدة تغسلوا جسمكم مزياااان و تدوزوا بالجيل دوش و لا الصابونة ديالكم و بالصحة و الراحة .



* ملاحظة هامة :

صاحبات البشرة الحساسة ممنوع منعا باااتا يوضعوا هاد الكوماج على الوجه


* مقادير الكوماج :

ـ عصير نصف حامضة كبيرة أو عصير حامضة صغيرة



ـ 2 ملاعق كبار ديال قشور البيض مطحون ( أنا كنت كنجمع البيض و نطحنه و نطلعه للشمس شي 3 ايام عاد كنهبطه و نستعمله )

[ندعوك للتسجيل في المنتدى أو التعريف بنفسك لمعاينة هذه الصورة]


ـ 3 ملاعق كبار ديال شي عصير , أيييي عصير عندكم استعملوه و يستحسن العصائر اللي فيها الأحماض , بحال هنا أنا عندي عصير ديال الفريز مع البامبلموس


ـ
[ندعوك للتسجيل في المنتدى أو التعريف بنفسك لمعاينة هذه الصورة]
ـ 2 ملاعق كبار ديال دقيق القمح
[ندعوك للتسجيل في المنتدى أو التعريف بنفسك لمعاينة هذه الصورة]
الطريقة :

أولا كنخلطوا العصير ديال الحامض مع قشور البيض حتى كنشوفوه دار هاد الرغوة
[ندعوك للتسجيل في المنتدى أو التعريف بنفسك لمعاينة هذه الصورة]
من بعد كنعاينوا عليه واحد 30 ثانية دغيا راه كيتجبس و كيتجمع , هاهو صورته لكم
[ندعوك للتسجيل في المنتدى أو التعريف بنفسك لمعاينة هذه الصورة]
من بعد كنزيدوا عليه العصير اللي عندنا حتى يتطلق هكا
[ندعوك للتسجيل في المنتدى أو التعريف بنفسك لمعاينة هذه الصورة]

و نزيدوا عليه الدقيق ديال القمح هو الأخير و نخلطوا الكل مزيان حتى يجي عندنا خليط ثقييل شوية فحال ديال الكيك أو أثقل
[ندعوك للتسجيل في المنتدى أو التعريف بنفسك لمعاينة هذه الصورة]

و هالكوماج ديالنا واجد , بالنسبة للبنات اللي كيعانيوا من حبوب كثيرة فالظهر أو من حكة ممكن يضيفوا نصف ملعقة كبيرة ديال الملحة و يستعمل كما قلت فالطريقة الفوق و منين تغسلوا و كلشي طبعا ما تنساوش تدهنوا جسمكم بشي حليب أو شي كريم مغذي لأن الجسم فالحمام أو أثناء الدوش كيفقد كمية كبيييرة من السوائل , لهذا كثؤوا من الترطيب فالأيام الموالية للحمام و ايضا شربوا الما من مورا الحمام , لأن هذا ينعكس ايجابا على البشرة و مكيخليهاش تعاني من الاسمرار و من الجفاف .

مؤخرا خديت هاد الحليب من لافارماسي و عجبني بزاااف أولا مغذي و كيخلي الجسم كيلمع ثانيا رخييييص و فيه 3 ألوان أنا خديت الأحمر , و اسمه Lait concentré hydratant éclaircissant من Evoluderm و ثمنه 65 درهم و القرعة كبيرة ها هي صورته
[ندعوك للتسجيل في المنتدى أو التعريف بنفسك لمعاينة هذه الصورة]